Жиноят ишлари бўйича Тошкент шаҳар суди муқаддам Ўзбекистон Олий судида таъминотчи вазифасида ишлаган Ш.А.нинг ўлимида айбланган икки шахс устидан ҳукм чиқарди, деб хабар беради «Kun.uz».
Маълум қилинишича, судланувчилардан бири 19 йилга, унинг жиноий шериги 5 йилга озодликдан маҳрум этилган. Асосий тафсилотлар ҳақида батафсил маълумот берилиши кутилмоқда.
Эслатиб ўтамиз, 52 ёшда бўлган Ш.А.нинг жасади 8 август куни кечга яқин Қибрай туманидаги ГЭС ҳудудидан, саёҳат чамадони ичидан топилган эди. Тергов давомида 2 нафар шахсга нисбатан Жиноят кодексининг 97, 169 (ўғрилик), 227 (ҳужжатлар, штамплар, муҳрлар, бланкаларни, автомототранспорт воситаларининг ва улар тиркамаларининг (ярим тиркамаларининг) давлат рақам белгиларини эгаллаш, нобуд қилиш, уларга шикаст етказиш ёки уларни яшириш) ва 241-моддалари (жиноят ҳақида хабар бермаслик ёки уни яшириш) билан айб эълон қилиниб, уларга қамоққа олиш тарзидаги эҳтиёт чораси қўлланилган. Кейинроқ улардан бири 2009 йилдан буён РШТЁИМда раҳбар лавозимида ишлаб келагани маълум бўлганди.
Изоҳ (0)