Англия Премьер Лигасида ноябрь ойининг энг яхши ўйинчиси аниқланди

«Манчестер Юнайтед» ярим ҳимоячиси Бруну Фернандеш Англия Премьер Лигасининг ноябрь ойидаги энг яхши ўйинчиси деб топилди.

Португалиялик футболчи ноябрь ойида Англия чемпионатида 4 та ўйин ўтказиб, тўртта гол ва битта голли узатма муаллифига айланганди.

Шу тариқа Фернандеш 2020 йил ҳисобидан учинчи марта ушбу совринга эга бўлди. Бу 2017 йилдан кейинги энг яхши натижа ҳисобланади. Ўшанда Ҳарри Кейн бир йил ичида уч бор ойнинг энг яхши ўйинчиси бўлганди.

Эслатиб ўтамиз, Бруну «Манчестер Юнайтед»га январь ойида келганди.

Introducing your @EASPORTSFIFA Player of the Month for November...

✨ @B_Fernandes8 ✨#PLAwards pic.twitter.com/0JgM33blYu

— Premier League (@premierleague) December 11, 2020

Ушбу соврин учун шунингдек, қуйидаги футболчилар кураш олиб борганди:

• Бен Чилуэлл («Челси») — 3 ўйинда 1 гол;
• Анжело Огбонна («Вест Ҳэм») — 3 ўйинда 1 гол;
• Пьер-Эмиль Ҳёйбьерг («Тоттенҳэм») — 3 та қуруқ ўйин, 89% узатмалар аниқлиги;
• Жеймс Уорд-Проуз («Саутҳэмптон») — 4 ўйинда 3 гол ва 2 та голли узатма;
• Жек Грилиш («Астон Вилла») — 4 ўйинда 2 гол ва 2 голли узатма.