Rossiyada prezident saylovlari shu hafta oxirida o‘tkazilsa, fuqarolarning 39 foizi unga ovoz berishga tayyor bo‘lar edi. Bu haqda “Levada” markazi tomonidan o‘tkazilgan so‘rovnoma natijalariga tayanib, Meduza xabar bermoqda.
Qayd etilishicha, Putinning reytingi 1 yil avvalgi holatida qolgan. Ma’lumot uchun, 2019-yil dekabr oyida rossiyaliklarning 38 foizi Putin uchun ovoz berishga tayyor edi.
Ta’kidlanishicha, Putin haqidagi so‘rovda eng ommabop bo‘lgan keyingi javoblar “Men unga ovoz bermagan bo‘lardim” (24 foiz) va “Kimga ovoz berishni bilmayman” (16 foiz) bo‘lgan.
Ochiq ommaviy axborot vositalarining e’tiborini tortadigan so‘rovnomaning yana bir xususiyati — yosh guruhlaridagi Putinga bo‘lgan munosabatning o‘zgarishi. Shunday qilib, yil davomida Putinga ovoz berishga tayyor bo‘lgan 18 yoshdan 24 yoshgacha bo‘lgan saylovchilarning ulushi 36 foizdan 20 foizgacha kamaydi. Aksincha, 40 yoshdan 54 yoshgacha bo‘lgan odamlar orasida amaldagi prezidentga xayrixohlik 31 foizdan 39 foizgacha o‘sdi.
Shuningdek, 25 dan 39 yoshgacha va yoshi 55 dan oshgan yosh guruhlarining Putinga bo‘lgan munosabati bo‘yicha barqaror ko‘rsatkich ko‘rsatgan. Bir yil oldingi kabi mos ravishda ularning 30 va 51 foizi Putin uchun ovoz berishga tayyor.
Mavzuga doir:
Izoh (0)