Artificial Intelligence Journey onlayn konferensiyasi paytida “Afina” virtual yordamchisi Rossiya prezidentidan sun’iy intellekt prezident bo‘ladimi yoki yo‘qmi, deb so‘radi. Bu haqda “Korrespondent.net” xabar berdi.

Foto: EPA

Vladimir Putin bunga javoban: “Umid qilmanki, yo‘q. Har holda, hozircha”, — deb javob berdi.

Uning ta’kidlashicha, sun’iy intellektda yurak, qalb, rahm-shafqat va vijdon yo‘q. “Bu narsalarning barchasi fuqarolar tomonidan mamlakatga foyda keltiradigan qarorlarni qabul qilish va amalga oshirish vakolati berilgan odamlar uchun juda muhimdir”, — dedi Rossiya prezidenti.

“Xususan, prezidentlar bir qarashda mutlaqo oqilona bo‘lmagan qarorlarni qabul qilishga majbur bo‘ladi. Ular tarix, madaniyat, joriy amaliyot, mamlakat fuqarolarining intilishlari va umidlari asosida qabul qilinishi kerak. Ijtimoiy soha uchun bu qarorlar ba’zan pensiya, sog‘liqni saqlash va inson hayotining boshqa sohalarida mantiqsiz bo‘lib tuyuladi”, — dedi Putin.

“Odam prezident uchun mazkur qarorlar oqilona ko‘rinadi va hisoblanadi, chunki u qarorni mashinalar manfaati uchun emas, balki tirik odamlar manfaati uchun qabul qiladi”, — deb ta’kidladi Rossiya prezidenti.

Shu bilan birga, Putin sun’iy intellektning davlat boshqaruvidagi o‘rni oshishiga ishonadi.