Futbol bo‘yicha Yevropa Chempionlar Ligasining G va H guruhlarida 8-dekabr, seshanba kuni so‘nggi tur o‘yinlari bo‘lib o‘tdi.
“Barselona” o‘z maydonida “Yuventus”ni qabul qildi. Unda Krishtianu Ronalduning dubli va Ueston Makkennining goli turinliklarga yirik hisobdagi g‘alabani taqdim etdi. “Daryo” ushbu uchrashuvni matnli translyatsiya qildi.
Shu tariqa “Yuventus” va “Barselona”ning ochkolari teng kelib qoldi. O‘zaro o‘yinlardagi (birinchi o‘yin — 0:2) ustunlik “Yuventus”da bo‘lgani sabab turinliklar birinchi o‘rinni qo‘lga kiritdi.
Kiyevning “Dinamo”si o‘z uyida “Ferensvarosh”ni mag‘lub etgan holda, Yevropa Ligasi yo‘llanmasiga ega bo‘ldi.
H guruhida “Manchester Yunayted” jamoasi “Leypsig” maydonida mehmon bo‘ldi. Uchrashuvning 2-daqiqasidayoq Anxelinyo nemislarni oldinga chiqqan bo‘lsa, oradan ko‘p o‘tmay Amadu Aydara mezbonlarning ikkinchi golini urdi.
Jastin Klyuvertning 69-daqiqadagi golidan keyin hisob yirik ko‘rinish oldi. So‘nggi o‘n daqiqalikda inglizlar Burunu Fernandesh va Pol Pogbaning gollari evaziga vaziyatni o‘nglashga yaqin keldi, biroq bu qoniqarli natija uchun yetarli bo‘lmadi.
PSJ va “Istanbul” jamoalari o‘rtasidagi guruhning ikkinchi bahsi 22-daqiqada to‘xtab qoldi.
Shu tariqa “Manchester Yunayted” PSJning o‘yini qanday tugashidan qat’i nazar Chempionlar Ligasi pley-off bosqichiga chiqolmadi.
YChL
6-tur bahslari
8-dekabr, seshanba
G guruhi
“Barselona” Ispaniya — “Yuventus” Italiya 0:3
Gollar: 0:1 - 13, penalti Ronaldu, 0:2 - 20 Makkenni, 0:3 - 52, penalti Ronaldu.“Barselona”: ter Shtegen, Dest, Alba (Firpo, 55), Arauxo (Mingesa, 82), Langle (Umtiti, 55), de Yong, Pyanich, Trinkau (Breytueyt, 46), Pedri (Puch, 66), Grizmann, Messi.
“Yuventus”: Buffon, de Ligt, Danilo, Bonuchchi, Aleks Sandro, Makkenni, Kuadrado (Bernardeski, 85), Artur (Bentankur, 71), Remzi (Rabyo, 71), Morata (Dibala, 85), Ronaldu (Kyeza, 90+2).
Ogohlantirishlar: Alba (27), Remzi (28), Langle (30), Morata (52), Umtiti (60), Danilo (69), Firpo (78).
“Dinamo Kiyev” Ukraina — “Ferensvarosh” Vengriya 1:0
Gol: 1:0 – 60 Popov.H guruhi
“Leypsig” Germaniya — “Manchester Yunayted” Angliya 3:2
Gollar: 1:0 – 2 Anxelino, 2:0 – 13 Aydara, 3:0 – 69 Klyuyvert, 3:1 – 80, penalti Brunu Fernandesh, 3:2 – 82 Pogba.“Leypsig”: Gulachi, Anxelinyo (Halstenberg, 87), Orban, Mukiyele, Konate, Aydara, Kampl (Adams, 75), Olmo (Klyuyvert, 56), Zabitser, Forsberg (Poulsen, 56), Nkunku.
“Manchester Yunayted”: De Xea, Lindelyof (Tuanzebe, 78), Shou (Uilyams, 61), Maguayr, Telles (van de Bek, 46), Brunu Fernandesh, Maktominey, Matich (Pogba, 61), Uan-Bissaka (Fosu-Mensa, 77), Reshford, Grinvud.
Ogohlantirishlar: Brunu Fernandesh (5), Mukiyele (32), Zabitser (35), Shou (43), Maguayr (62), Klyuyvert (62), Uilyams (68), Lindelyof (77), Adams (81).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)