Futbol bo‘yicha Yevropa Chempionlar Ligasi guruh bosqichi 6-turi doirasida “Barselona” 8-dekabr, seshanba kuni o‘z maydonida “Yuventus” qabul qilib 0:3 hisobida yengildi.
Uchrashuvda turinliklar safida Krishtianu Ronaldu (dubl) va Ueston Makkenni o‘z nomini tabloga yozdirib qo‘ydi va jamoasining g‘alabasini ta’minladi.
Ronaldu “Kamp Nou”da “Barselona”ga qarshi o‘tgan so‘nggi 13 ta o‘yinda 14 ta gol urishning uddasidan chiqdi. Gollarning uchtasi 11 metrlik jarima zarbasidan urilgan.
Qayd etish joiz, Ronaldu “Real”dan ketganidan beri ilk bor “Kamp Nou”da maydonga tushdi. So‘nggi bor portugaliyalik hujumchi bu stadionda 2018-yil mayida o‘yin o‘tkazgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)