Ле-Бурже ташкилотчилари 2021 йилнинг июнига режалаштирилган авиакосмик салон ўтказилмаслигини маълум қилди, деб хабар беради Meduza.
Ташкилотчилар томонидан эълон қилинган баёнотда таъкидланишича, бу каби қарор коронавирус пандемияси ва унинг жаҳон аэрокосмик саноатига таъсири сабаб сифатида қабул қилинган.
Авиасалонда иштирок этиш учун пул тўлаб қўйган барчага маблағлари қайтарилади.
Навбатдаги Ле-Бурже авиасалони 2023 йилда бўлиб ўтиши керак — кўргазма ҳар икки йилда бир маротаба ўтказилади. Ташкилотчиларнинг ваъда беришича, у ҳозирга қадар ўтказилган кўргазмалар орасида энг каттасига айланади.
Ле-Бурже халқаро авиакосмик салони, шунингдек, Париж авиасалони номи билан ҳам танилган. У Париж яқида ўтказилади ва дунёнинг турли нуқталаридаги иштирокчилар ҳамда кўп сонли томошабинларни бир жойга тўплайди.
Эслатиб ўтамиз, 2020 йилнинг февралида Швейцарияда коронавирус сабаб Женева автосалони бекор қилинган, Нью-Йоркдаги халқаро автошоу эса август ойига қолдирилган эди.
Изоҳ (0)