Muhabbat borasida mashhur hamkasblari tomonidan rad etilgan Gollivud yulduzlari (foto)

Inson ko‘ngliga yoqqan odam tomonidan rad etilishi har doim ham og‘riqli bo‘ladi. Ammo taniqli shaxslarning bu kabi munosabati jamoat uchun ma’lum bo‘lganda vaziyat yanada qiyinlashadi. Quyida hali juftlik bo‘lishga ulgurmagan yulduzlar haqida tanishib chiqish mumkin.

Emma Uotson va Tom Felton

2000-yillarning boshida Garri Potter franshizasi butun dunyo tomoshabinlari qalbini zabt etgan. Filmda Drako Malfoy rolini o‘ynagan Tom Feltonning ko‘rinishiga hamma oshiq edi. Shuning uchun bo‘lsa kerak Germiona rolini ijro etgan Emma Uotson har kuni suratga olish maydonchasida Tomning bor-yo‘qligini bilishga harakat qilgan. Ammo Tom Emmani faqat singil o‘rnida ko‘rgan. Shunga qaramay, ikkisi yaxshi do‘st bo‘lishga muvaffaq bo‘ldi va bugungi kungacha ular orasida yaxshi munosabat saqlanib qolgan.

Leonardo Di Kaprio va Kara Delevin

Taniqli aktyor sariq sochli modellarga befarq emasligini hamma biladi va Kara Delevin bu borada omadli edi. Ma’lum bo‘lishicha, 2013-yil Kann festivalida Leoni Karaning oldida ko‘p uchratishgan. Ammo Kara unga deyarli e’tibor bermagan va iloji boricha aktyor bilan uchrashishdan qochgan.

Teylor Svift va Bredli Kuper

Bredli Kuper bir qancha yulduzlar bilan munosabat o‘rnatganiga qaramay, ular tez orada o‘z nihoyasiga yetgan. O‘sha vaqtda Teylor Jennifer Lourensdan Bredli bilan tanishtirib qo‘yishini iltimos qilgan. Tanishuv amalga oshgan bo‘lsa-da, Bredli kelajakda Teylorning qo‘shiqlari uchun mavzu bo‘lishni istamagan va uni muloyimlik bilan rad etgan.

Josh Xatcherson va Emma Uotson

Bu safar taniqli aktrisa boshqa bir yulduzning his-tuyg‘ularini rad etdi. Xatcherson Emmani aqldan ozar darajada yaxshi ko‘rgan. Aktyor Emma bilan bir necha bor uchrashish uchun rejalar tuzgan, ammo ular ish bermagan. 2013-yil Xatcherson o‘z yo‘llarini Emma bilan bog‘lashi uchun davom etishini tan olishdan ham tortinmagan. Natijada ular tanishgan, hattoki ular orasida ishqiy munosabatlar paydo bo‘lgani haqida ham mish-mishlar paydo bo‘lgan. Ammo oxir-oqibat bularning hammasi shunchaki muxlislar shov-shuvi bo‘lib chiqdi.

Aaron Karter va Xilari Daff

Aaron va Xilari 2000-yilda Disney kanalida tanishgan. Juftlik orasidagi munosabat juda yaxshi edi, toki Aaron Xilarini Lindsi Loxanga almashtirgunicha. Shu sababli ular ajralgan. Oradan bir necha yil o‘tgach, aktyor hech qachon Xilariga bo‘lgan tuyg‘ulari uni tark etmaganini tan olgan. 11 yildan so‘ng u yana Xilarini qaytarmoqchiligi va buning uchun barchasiga tayyor ekanligini ma’lum qilgan. Bu haqda Xilaridan so‘ralganda, oradan yillar o‘tgani va ularni endi hech narsa bog‘lay olmasligini aytib, Aaronning umidlariga yakun yasagan.

Kris Rok va Rianna

So‘z ustasi Kris Rok ham mashhur hamkasbi tomonidan rad etilganlardan biri. U bir marta Te Late Show dasturida Riannaga bo‘lgan his-tuyg‘ulari uchun bekorga harakat qilayotganini tan oldi. Rokning so‘zlariga ko‘ra, Rianna unga xuddi xolasi kabi munosabatda bo‘lgan va Rokning tuyg‘ularini jiddiy qabul qilmagan. Shundan so‘ng Rok u bilan shaxsiy munosabatlar haqida ham o‘ylamay qo‘ygan.

Garri Stayls va Lindsi Loxan

Garrining mashhurligini hisobga olganda har qanday qiz uni sevib qolishi mumkin edi. Ammo Linsdi unday qizlardan emasdi. Hattoki bir kuni Garri tungi ikkida Lindsini uchrashuvga chaqirgan, ammo aktrisa uning kimligini ham bilmasligini aytib, taklifini rad etgan.