Муҳаббат борасида машҳур ҳамкасблари томонидан рад этилган Голливуд юлдузлари (фото)

Инсон кўнглига ёққан одам томонидан рад этилиши ҳар доим ҳам оғриқли бўлади. Аммо таниқли шахсларнинг бу каби муносабати жамоат учун маълум бўлганда вазият янада қийинлашади. Қуйида ҳали жуфтлик бўлишга улгурмаган юлдузлар ҳақида танишиб чиқиш мумкин.

Эмма Уотсон ва Том Фелтон

2000 йилларнинг бошида Гарри Поттер франшизаси бутун дунё томошабинлари қалбини забт этган. Фильмда Драко Малфой ролини ўйнаган Том Фелтоннинг кўринишига ҳамма ошиқ эди. Шунинг учун бўлса керак Гермиона ролини ижро этган Эмма Уотсон ҳар куни суратга олиш майдончасида Томнинг бор-йўқлигини билишга ҳаракат қилган. Аммо Том Эммани фақат сингил ўрнида кўрган. Шунга қарамай, иккиси яхши дўст бўлишга муваффақ бўлди ва бугунги кунгача улар орасида яхши муносабат сақланиб қолган.

Леонардо Ди Каприо ва Кара Делевин

Таниқли актёр сариқ сочли моделларга бефарқ эмаслигини ҳамма билади ва Кара Делевин бу борада омадли эди. Маълум бўлишича, 2013 йил Канн фестивалида Леони Каранинг олдида кўп учратишган. Аммо Кара унга деярли эътибор бермаган ва иложи борича актёр билан учрашишдан қочган.

Тэйлор Свифт ва Бредли Купер

Бредли Купер бир қанча юлдузлар билан муносабат ўрнатганига қарамай, улар тез орада ўз ниҳоясига етган. Ўша вақтда Тэйлор Женнифер Лоуренсдан Бредли билан таништириб қўйишини илтимос қилган. Танишув амалга ошган бўлса-да, Бредли келажакда Тэйлорнинг қўшиқлари учун мавзу бўлишни истамаган ва уни мулойимлик билан рад этган.

Жош Хатчерсон ва Эмма Уотсон

Бу сафар таниқли актриса бошқа бир юлдузнинг ҳис-туйғуларини рад этди. Хатчерсон Эммани ақлдан озар даражада яхши кўрган. Актёр Эмма билан бир неча бор учрашиш учун режалар тузган, аммо улар иш бермаган. 2013 йил Хатчерсон ўз йўлларини Эмма билан боғлаши учун давом этишини тан олишдан ҳам тортинмаган. Натижада улар танишган, ҳаттоки улар орасида ишқий муносабатлар пайдо бўлгани ҳақида ҳам миш-мишлар пайдо бўлган. Аммо охир-оқибат буларнинг ҳаммаси шунчаки мухлислар шов-шуви бўлиб чиқди.

Аарон Картер ва Хилари Дафф

Аарон ва Хилари 2000 йилда Disney каналида танишган. Жуфтлик орасидаги муносабат жуда яхши эди, токи Аарон Хиларини Линдси Лоханга алмаштиргунича. Шу сабабли улар ажралган. Орадан бир неча йил ўтгач, актёр ҳеч қачон Хиларига бўлган туйғулари уни тарк этмаганини тан олган. 11 йилдан сўнг у яна Хиларини қайтармоқчилиги ва бунинг учун барчасига тайёр эканлигини маълум қилган. Бу ҳақда Хиларидан сўралганда, орадан йиллар ўтгани ва уларни энди ҳеч нарса боғлай олмаслигини айтиб, Аароннинг умидларига якун ясаган.

Крис Рок ва Рианна

Сўз устаси Крис Рок ҳам машҳур ҳамкасби томонидан рад этилганлардан бири. У бир марта Те Late Shоw дастурида Рианнага бўлган ҳис-туйғулари учун бекорга ҳаракат қилаётганини тан олди. Рокнинг сўзларига кўра, Рианна унга худди холаси каби муносабатда бўлган ва Рокнинг туйғуларини жиддий қабул қилмаган. Шундан сўнг Рок у билан шахсий муносабатлар ҳақида ҳам ўйламай қўйган.

Гарри Стайлс ва Линдси Лохан

Гаррининг машҳурлигини ҳисобга олганда ҳар қандай қиз уни севиб қолиши мумкин эди. Аммо Линсди ундай қизлардан эмасди. Ҳаттоки бир куни Гарри тунги иккида Линдсини учрашувга чақирган, аммо актриса унинг кимлигини ҳам билмаслигини айтиб, таклифини рад этган.