Boks bo‘yicha og‘ir vazn toifasida sobiq Jahon chempioni Mayk Tayson va to‘rtta divizion sobiq chempioni Roy Jons o‘rtasidagi ko‘rgazmali jang 1 milliondan ortiq pullik translyatsiya yig‘di.
MMA Fighting’ning xabar qilishicha, Tayson va Jons o‘rtasidagi jang 1,2 million pullik obuna yig‘gan. Har bir pullik translyatsiyaning narxi 49,95 dollarni tashkil qilgan. Bu tashkilotchilarga 50 million dollardan ortiq daromad keltirgan.
Ta’kidlanishicha, bu ko‘rsatkich MMA va boks musobaqalari orasida yilning eng muvaffaqiyatlilaridan biri bo‘ldi. Bu jang 1,3 million obunachi yiqqan UFC 251 bilan deyarli bir xil natijaga erishgan. Shuningdek, mazkur jang Tayson Fyuri va Deontey Uaylder o‘rtasidagi revansh jangi (850 ming) ko‘rsatkichini ortda qoldirdi.
Eslatib o‘tamiz, Toshkent vaqti bilan 29-noyabr tongida Los-Anjelesda (AQSh) afsonaviy bokschilar o‘rtasida ko‘rgazmali jang o‘tkazildi. 8 raund davom etgan jangda durang natija qayd etildi.
Izoh (0)