Бокс бўйича оғир вазн тоифасида собиқ Жаҳон чемпиони Майк Тайсон ва тўртта дивизион собиқ чемпиони Рой Жонс ўртасидаги кўргазмали жанг 1 миллиондан ортиқ пуллик трансляция йиғди.
MMA Fighting’нинг хабар қилишича, Тайсон ва Жонс ўртасидаги жанг 1,2 миллион пуллик обуна йиғган. Ҳар бир пуллик трансляциянинг нархи 49,95 долларни ташкил қилган. Бу ташкилотчиларга 50 миллион доллардан ортиқ даромад келтирган.
Таъкидланишича, бу кўрсаткич MMA ва бокс мусобақалари орасида йилнинг энг муваффақиятлиларидан бири бўлди. Бу жанг 1,3 миллион обуначи йиққан UFC 251 билан деярли бир хил натижага эришган. Шунингдек, мазкур жанг Тайсон Фьюри ва Деонтей Уайлдер ўртасидаги реванш жанги (850 минг) кўрсаткичини ортда қолдирди.
Эслатиб ўтамиз, Тошкент вақти билан 29 ноябрь тонгида Лос-Анжелесда (АҚШ) афсонавий боксчилар ўртасида кўргазмали жанг ўтказилди. 8 раунд давом этган жангда дуранг натижа қайд этилди.
Изоҳ (0)