Yaponiya g‘arbida yashovchi aholi osmonda bolid yoki yorqin uchayotgan yulduzni payqab qoldi. Obyekt uchishining videosi NHK telekanali tomonidan e’lon qilingan.
Kanagava prefekturasidagi shahar muzeyi vakili Daichi Fudzi bu kabi holatlar bilan yaxshi tanish va u obyektning yorug‘ligi to‘lin oydan chiqadigan nur bilan bir xil bo‘lganini qayd etgan.
“Videoni tahlil qilib, obyekt yo‘nalishini aniqlash va uning qayerdan uchib kelayotganini bilish mumkin”, — deya qo‘shimcha qilgan u.
流れ星の中でも特に明るく輝く火球が、29日午前1時半すぎに、西日本の広い範囲で、観測されました。https://t.co/QCOgTZy7qp pic.twitter.com/RKTx7zYwkN
— NHKニュース (@nhk_news) November 28, 2020
Hodisaga bevosita guvoh bo‘lgan mahalliy aholi ijtimoiy tarmoqlardagi sahifalarda bu bolid qulashining baland ovozi ham eshitilgani haqida gapirgan.
Uchar jism osmonda o‘zidan keyin dumsimon iz qoldirgan, bolid bir necha soniya davomida Yerga qarab harakatlangan va havoda yorqin nur sochib portlagan.
Kyodo agentligi hodisa yuzasidan fikr bildirgan Xego prefekturasidagi Akasi munisipal planetariysi direktori bolidlarning bunday nur sochishini Venera yorqinligi kabi juda kam ko‘rish mumkinligini aytgan.
“Bolidning so‘nggi nurlanishi to‘lin oy yorug‘ligiga mos kelgan deb o‘ylaymiz”, – deya Takeshi Inue so‘zlarini keltirgan agentlik.
2017-yil noyabr oyida Rossiyaning Murmansk viloyatida olovli shar osmonda uchib o‘tgandi. Obyektni Monchegorsk va Snejnogorskda yashovchi aholi payqagan. Obyekt yorug‘ligi Finlyandiyada ham ko‘ringan.
Izoh (0)