Quyosh yuzasida kuchli portlash sodir bo‘lgani qayd etildi. Olimlar so‘nggi uch yilda birinchi bor sodir bo‘lgan hodisaga maxsus besh balli tizimda to‘rt ball bergan, yozadi Hi-Tech.Mail.ru.
Quyoshda kuchli portlash 29-noyabr kuni Toshkent vaqti bilan soat 18:00 larda sodir bo‘lgan. Unga M4.4 ball berilgan — M sinfidan faqat X portlashlar yuqori turadi.
Portlash qayd etilganidan ham yuqori bo‘lgan bo‘lishi mumkin, chunki uning markazi Quyoshning Yerdan turib kuzatib bo‘lmaydigan tomonida sodir bo‘lgan. Shunga qaramay, e’lon qilingan suratlarda mazkur hodisa to‘lig‘icha qanday bo‘lganini ko‘rish mumkin, chunki portlash sohasi shu qadar yuqoriga ko‘tarilganki, u quyosh chetlarida ham ko‘ringan. So‘nggi marta bu kabi portlash 2017-yilning kuzida sodir bo‘lgan.
Ushbu portlashning Yerga ta’siri yo‘q. Bu kabi portlashlar sabab yuzaga keladigan asosiy faollik (zarralarning zaryadlanishi va plazma buluti) Yer sayyorasidan yuz millionlab kilometr uzoqlikda sodir bo‘ladi. Yulduzning portlash sodir bo‘lgan tomoni bir haftadan so‘ng Yerga buriladi, biroq mutaxassislar u vaqtda Quyoshning ushbu zonasidagi faollik saqlanib qolish-qolmasligini bilmaydi.
Izoh (0)