Rossiyada so‘nggi sutkada 25 345 kishiga COVID-19 tashxisi qo‘yildi, deb xabar bermoqda Meduza koronavirusga qarshi qarshi tezkor shtabga tayanib. Bu bir kun avvalgi ko‘rsatkichdan 1057 kishiga ko‘p. Mamlakatda kasallanganlarning umumiy soni 2 347 401 nafarga yetdi.
Yangi aniqlangan kasallanish holatlarining eng ko‘pi Moskva (5191 ta) va Sankt-Peterburg (3684 ta) shaharlarida qayd etilgan. Moskva viloyatida sutka davomida 1148 kishida COVID-19 aniqlanib, bu kasallanganlarning kunlik soni ortishi bo‘yicha 10-maydan buyon yuqori ko‘rsatkich bo‘ldi.
So‘nggi sutkada koronavirusdan 589 kishi vafot etib, sutkalik o‘limlar soni bo‘yicha pandemiya davridan buyon rekord ko‘rsatkich bo‘ldi. Operativ shtab ma’lumotlariga ko‘ra, mamalakatda jami 41 053 kishi COVID-19’dan vafot etgan.
Bir kecha-kunduzda COVID-19 bermorlarining 26 882 nafari sog‘aydi (bundan bir kun avval 24 763 kishi sog‘aygandi). Mamlakatda umumiy hisobda 1 830 349 kishi koronavirusdan tuzalgan.
Shtab ma’lumotlariga ko‘ra, Rossiyada ayni paytda 475 999 kishi koronavirusdan davolanmoqda.
“Rospotrebnadzor” ma’lumotlariga ko‘ra, mamlakatda koronavirusni aniqlash uchun so‘nggi 24 soatda 444 mingta test o‘tkazilgan. Bir kun avval 333 mingta test o‘tkazilgandi. Pandemiya boshlanganidan buyon o‘tkazilgan testlar soni 77,2 milliontadan oshgan.
Avvalroq Rossiyada koronavirus oqibatidagi o‘limlar bo‘yicha haqiqiy holatni “Rosstat” ma’lumotlaridan bilib olish mumkinligi, lekin u yerda ma’lumotlar juda kechikib berilishi va “Stopkoronavirus.rf” saytida ko‘rsatilgan o‘limlar soni bilan to‘g‘ri kelmasligi, ular mamlakat bo‘yicha o‘rtacha 4—5 marta ko‘proqligi ma’lum qilingandi.
Izoh (0)