Qullikda yashayotgan 40 million kishining 71 foizini ayollar va qizlar tashkil qiladi. Bu haqda BMT Bosh kotibi Antoniu Guterrish Xalqaro qullikka qarshi kurash kuni munosabati bilan so‘zlagan nutqida ma’lum qildi, deb yozadi “RBK”.
“Bugun qullik asli nasabi bo‘yicha jabr-zulm qilish, bolalarni uyda majburlab ishlatish, majburiy nikohlar, qarz majburiyatlari, shu jumladan, jinsiy ekspluatatsiya qilish maqsadida odamlar savdosi, shuningdek, bolalarni qurolli nizolarga jalb qilish ko‘rinishida namoyon bo‘lmoqda”, — dedi Guterrish.
Bosh kotibning so‘zlariga ko‘ra, ayollardan tashqari, kambag‘al va kamsitiladigan guruhlar, ya’ni irqiy va etnik ozchiliklar qullikka eng ko‘p duchor bo‘ladi. Shu munosabat bilan u BMT a’zolarini va barcha fuqarolik jamiyatlarini qullik qurbonlarini himoya qilishga va qo‘llab-quvvatlashga, shuningdek, ushbu “jirkanch amaliyotlarga” qarshi kurashga jamoaviy hissa qo‘shishni kuchaytirishga chaqirdi.
Izoh (0)