Россияда сўнгги суткада 25 345 кишига COVID-19 ташхиси қўйилди, деб хабар бермоқда Meduza коронавирусга қарши қарши тезкор штабга таяниб. Бу бир кун аввалги кўрсаткичдан 1057 кишига кўп. Мамлакатда касалланганларнинг умумий сони 2 347 401 нафарга етди.
Янги аниқланган касалланиш ҳолатларининг энг кўпи Москва (5191 та) ва Санкт-Петербург (3684 та) шаҳарларида қайд этилган. Москва вилоятида сутка давомида 1148 кишида COVID-19 аниқланиб, бу касалланганларнинг кунлик сони ортиши бўйича 10 майдан буён юқори кўрсаткич бўлди.
Сўнгги суткада коронавирусдан 589 киши вафот этиб, суткалик ўлимлар сони бўйича пандемия давридан буён рекорд кўрсаткич бўлди. Оператив штаб маълумотларига кўра, мамалакатда жами 41 053 киши COVID-19’дан вафот этган.
Бир кеча-кундузда COVID-19 берморларининг 26 882 нафари соғайди (бундан бир кун аввал 24 763 киши соғайганди). Мамлакатда умумий ҳисобда 1 830 349 киши коронавирусдан тузалган.
Штаб маълумотларига кўра, Россияда айни пайтда 475 999 киши коронавирусдан даволанмоқда.
«Роспотребнадзор» маълумотларига кўра, мамлакатда коронавирусни аниқлаш учун сўнгги 24 соатда 444 мингта тест ўтказилган. Бир кун аввал 333 мингта тест ўтказилганди. Пандемия бошланганидан буён ўтказилган тестлар сони 77,2 миллионтадан ошган.
Аввалроқ Россияда коронавирус оқибатидаги ўлимлар бўйича ҳақиқий ҳолатни «Росстат» маълумотларидан билиб олиш мумкинлиги, лекин у ерда маълумотлар жуда кечикиб берилиши ва «Стопкоронавирус.рф» сайтида кўрсатилган ўлимлар сони билан тўғри келмаслиги, улар мамлакат бўйича ўртача 4—5 марта кўпроқлиги маълум қилинганди.
Изоҳ (0)