“Barselona” matbuot xizmati klub prezidentligi uchun o‘tkaziladigan saylovlar muddatini e’lon qildi.
Saylovlar 2021-yilning 24-yanvar kuni bo‘lib o‘tadi. 23-dekabrdan 11-yanvarga qadar nomzodlar o‘zini qo‘llab-quvvatlovchi imzolar yig‘ishni boshlaydi. Ma’lum miqdorda imzo to‘play olgan da’vogarlar keyingi bosqichga o‘tadi. 15—22-yanvar kunlari nomzodlar saylov kampaniyasida faol ishtirok etishi mumkin bo‘ladi.
Nomzodlar uchun 10 ta o‘rin ajratilgan. Hozirda 8 nomzod nomi ma’lum.
Shuningdek, “Barselona” futbolchi va murabbiylar bilan maoshlarning qisqartirilishi bo‘yicha kelishuv imzolanganini ham ma’lum qildi. Bu katalonlarga 122 million yevroni tejab qolish imkonini beradi.
Eslatib o‘tamiz, “Barselona” sobiq prezidenti Xosep Bartomeu ishonchsizlik votumi sabab oktabr oyida muddatidan avval iste’fo berishga majbur bo‘lgandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)