Ijaradagi uy, mashinalar, fransuz go‘zali va millionlab daromad. Kilian Mbappe qanday hayot kechiradi?

2020-yilnig 20-dekabrida 22 yoshga to‘ladigan Kilian Mbappe yosh bo‘lishiga qaramay butun dunyo bo‘ylab ko‘plab muxlislariga ega. Tabiiyki, ularni Mbappening maydondagi harakatlaridan tashqari uning shaxsiy hayoti va yashash tarzi ham qiziqtiradi. Quyida allaqachon yosh futbolchilar qatoridan chiqarilib, haqiqiy yulduz maqomini olgan Kilian Mbappening qanday hayot kechirishi haqida hikoya qilamiz.

Mbappe qayerda yashaydi?

Parijga ko‘chib o‘tganidan so‘ng Mbappe dastlab mehmonxonada yashardi. Ammo keyinchalik u o‘ziga Parijning obro‘li hududlaridan sanalmish 16-okrugdan hashamatli uy topishga muvaffaq bo‘ldi. Uydan 600 kvadrat metrlik masofada Eyfel minorasi joylashgan.

Mbappe ushbu koshonada ijara asosida yashaydi. Ko‘pchilik buni uning Parijni tark etish niyatida ekanligi bilan bog‘laydi.

Umuman olganda, Mbappe o‘ziga xos hayot tarzini olib boradi va ko‘p ham shovqinli tadbirlarga tashrif buyuravermaydi.

“Kelajakda bolalarim mendan yoshlikdagi sarguzashtlarim haqida so‘rasa, ularga aytadigan hech narsa yo‘q”, — deb hazilomuz javob bergandi Mbappe yashash tarzi haqidagi savolga.

Mbappening mashinalari

“Monako”da o‘ynagan kezlari Mbappeninng shaxsiy avtomobili bo‘lmagan va odatda jamoadoshlaridan uyiga olib borib qo‘yishni so‘rardi. PSJga o‘tganidan so‘ng esa futbolchi o‘zining mini-avtoparkiga asos soldi.

Mbappe dastlab 35 ming dollarga Audi Q3 sotib oldi.

Unin keyingi xaridi 250 ming dollarlik Ferrari California T bo‘ldi.

Uning (hozircha) eng oxirgi xaridi esa 50 ming dollarlik Range Rover Evoque bo‘lib turibdi.

Mbappening shaxsiy hayoti

Kilian Mbappe bugungi kunda “Fransiya go‘zali —2017” g‘olibi Alisiya Aylis bilan yaqin munosabatlarda. Juftlik hozircha munosabatlarini rasmiylashtirish haqida o‘ylayotgani yo‘q. Alisiya huquqshunoslik sohasida o‘qiydi va kelajakda advokat bo‘lishni rejalashtirmoqda. U Kilian bilan tengdosh (1998-yilda tug‘ilgan.)

Mbappening do‘stlari kim?

Bolaligida Mbappe butun vaqtini futbolga bag‘ishlagani uchun deyarli do‘stlar orttirmagan. Ammo u PSJda ham murabbiyiga aylangan samimiy Buffon bilan do‘stlashdi.

Bundan tashqari u PSJning boshqa bir yulduzi Neymar bilan ham yaxshi munosabatlarga ega.

Jiji PSJdan ketganidan keyin esa ularning Neymar bilan do‘stligi yanada mustahkamlandi.

Mbappening daromadi qancha?

Mbappening PSJdagi bir yillik maoshi 18 million yevroni tashkil qiladi. Uning klub bilan shartnomasi 2022-yilgacha mo‘ljallangan. PSJ unga yiliga 32 million yevro maoshli yangi shartnoma taklif qilayotganiga qaramay u omadini boshqa chempionatlarda sinab ko‘rmoqchi.

Biroq barchaga ma’lumki, futbol yulduzlarining daromad manbayi faqat maosh bilan cheklanmagan. Shu jumladan, Mbappe ham ko‘plab dunyoga mashhur brendlarning reklamalarida faol qatnashib keladi. Bunga uning Nike va Hublot soatlarini ishlab chiqaradigan kompaniyalar bilan tuzgan shartnomalari yaqqol misol bo‘ladi.