«Барселона» матбуот хизмати клуб президентлиги учун ўтказиладиган сайловлар муддатини эълон қилди.
Сайловлар 2021 йилнинг 24 январь куни бўлиб ўтади. 23 декабрдан 11 январга қадар номзодлар ўзини қўллаб-қувватловчи имзолар йиғишни бошлайди. Маълум миқдорда имзо тўплай олган даъвогарлар кейинги босқичга ўтади. 15—22 январь кунлари номзодлар сайлов кампаниясида фаол иштирок этиши мумкин бўлади.
Номзодлар учун 10 та ўрин ажратилган. Ҳозирда 8 номзод номи маълум.
Шунингдек, «Барселона» футболчи ва мураббийлар билан маошларнинг қисқартирилиши бўйича келишув имзоланганини ҳам маълум қилди. Бу каталонларга 122 миллион еврони тежаб қолиш имконини беради.
Эслатиб ўтамиз, «Барселона» собиқ президенти Хосеп Бартомеу ишончсизлик вотуми сабаб октябрь ойида муддатидан аввал истеъфо беришга мажбур бўлганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)