Futbol bo‘yicha Italiya A Seriyasining 9-turida “Jenoa” klubi “Parma”ga yutqazdi (1:2).
Uchrashuvning 50-daqiqasida Eldor Shomurodov mezbonlarning uchrashuvdagi yagona goliga mualliflik qildi. Bu Eldor uchun “Jenoa” safida va A Seriyadagi debyut gol bo‘ldi.
Shu tariqa Shomurodov Italiya chempionatida gol urgan ilk o‘zbekistonlik futbolchiga aylandi.
25 yoshli o‘zbekistonlik futbolchi mazkur o‘yinda 69 daqiqa harakat qilib, 3 marta darvoza tomon zarba berdi va ularning ikkitasi aniq bo‘ldi. Uchrashuvda genuyaliklarning hech qaysi futbolchisi undan ko‘p aniq zarba yo‘llamadi.
Avvalroq Eldor Italiya Kubogi 1/16 finali doirasida “Sampdoriya”ga qarshi o‘yinda golli uzatma amalga oshirgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)