Futbol bo‘yicha Italiya A Seriyasining 9-turida “Jenoa” 30-noyabr, dushanba kuni “Parma”ni qabul qildi.
Uchrashuv har ikki jamoaning faol hujumlari bilan boshlandi. Uchrashuvning 10-daqiqasida mehmonlar hujumchisi Jervinyo jarima maydoniga yorib kirgan holda hisobni ochdi. Birinchi bo‘limda har ikki jamoa vakillari bir nechta qulay imkoniyatlar yuzaga keldi. Eldor Shomurodov bo‘lim o‘rtalarida ikki himoyachini ortda qoldirgan holda darvoza tomon zarba berdi, biroq uning zarbasini raqib posboni bartaraf etishga erishdi.
Ikkinchi bo‘lim debyuti ham mehmonlar uchun omadli bo‘ldi. Maydon markazida to‘pning yo‘qotilishidan keyin tezkor qarshi hujumga o‘tgan “Parma” futbolchilari Jervinyoning aniq zarbasidan keyin hisobni oshirdi.
Oradan ko‘p o‘tmay genuyaliklar javob to‘pini kiritdi. Jarima maydoni ichida to‘pni qabul qilib olgan Shomurodov o‘zining aniq zarbasi bilan “Jenoa”dagi debyut golini urdi. Shomurodov 69-daqiqada zaxiraga olindi. Qolgan vaqtda maydon egalari vaziyatni o‘nglay olmadi.
Ushbu g‘alabadan keyin “Parma” ochkolarini 9 taga yetkazib olgan holda 16-o‘ringa ko‘tarildi. “Jenoa” (5) esa 19-pog‘onada bormoqda.
A Seriya
9-tur bahsi
30-noyabr, dushanba
“Jenoa” — “Parma” 1:2
Gollar: 0:1 – 10 Jervinyo, 0:2 – 47 Jervinyo, 1:2 – 50 Shomurodov.“Jenoa”: Paleari, Gilyone (Pyatsa, 82), Goldaniga, Bani (Destro, 89), Pellegrini, Lerager (Zays, 69), Badel (Parijini, 81), Sturaro, Sapata, Shomurodov (Pandev, 69), Skamakka.
“Parma”: Sepe, Byusi (Yakoponi, 73), Brunu Alvesh, Osorio, Galolo (Lorini, 19), Kurtich, Kutska, Karamo (Grassi, 74), Skotssarella (Ernani, 63), Jervinyo, Kornelius.
Ogohlantirishlar: Byusi (58), Karamo (67), Badel (76), Bani (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)