Toshkent shahrida Yangi yilga bag‘ishlangan bayram tantanalarini nishonlash uchun ishlar boshlab yuborildi. An’anaviy bayram manzillarida Yangi yil archalari o‘rnatilmoqda.
Humo Arena muz saroyi maydonida butun boshli Santa Klaus qal’asi qurilmoqda. Yangi yil namoyishlari paytida tomoshabinlar ijtimoiy masofa saqlab qolishlari uchun bayram archasi o‘tgan yilgidan ko‘ra kengroq joyga ko‘chirildi.
Tashkent City saylgohi ham Yangi yil tantanalariga tayyorgarlik ko‘rilmoqda. U yerga ham archa o‘rnatilgan. Archani chiroqlar bilan bezash ishlari ketmoqda. Shuningdek, sayilgoh xodimlari tomonidan bayramona installyatsiyalar o‘rnatish ustida ishlar amalga oshirilmoqda.
Mamlakatning bosh archasi Alisher Navoiy nomidagi milliy kutubxona yonida qad ko‘tardi. Ayni damda bu yerda bayram dekoratsiyalari, turli attraksionlar va savdo shoxobchalari o‘rnatilmoqda.
Izoh (0)