Тошкент шаҳрида Янги йилга бағишланган байрам тантаналарини нишонлаш учун ишлар бошлаб юборилди. Анъанавий байрам манзилларида Янги йил арчалари ўрнатилмоқда.
Humo Arena муз саройи майдонида бутун бошли Санта Клаус қалъаси қурилмоқда. Янги йил намойишлари пайтида томошабинлар ижтимоий масофа сақлаб қолишлари учун байрам арчаси ўтган йилгидан кўра кенгроқ жойга кўчирилди.
Tashkent City сайлгоҳи ҳам Янги йил тантаналарига тайёргарлик кўрилмоқда. У ерга ҳам арча ўрнатилган. Арчани чироқлар билан безаш ишлари кетмоқда. Шунингдек, сайилгоҳ ходимлари томонидан байрамона инсталляциялар ўрнатиш устида ишлар амалга оширилмоқда.
Мамлакатнинг бош арчаси Алишер Навоий номидаги миллий кутубхона ёнида қад кўтарди. Айни дамда бу ерда байрам декорациялари, турли аттракционлар ва савдо шохобчалари ўрнатилмоқда.
Изоҳ (0)