Toshkent shahrida mamlakat bosh archasini o‘rnatish, bezatish, Yangi yil bayrami uchun tayyorgarlik ishlari boshlandi, deya xabar bermoqda “Xalq so‘zi Online”. Nashr ushbu jarayon aks etgan fotoreportaj tayyorladi.
Qayd etilishicha, bu yil ham bosh archa 2019-yilgi singari Yunusobod tumanidagi Saylgoh maydoniga o‘rnatilmoqda.
Archani o‘rnatish, bezatish ishlariga quruvchilar, chiroq ustalari va hatto alpinistlar ham jalb qilingan.
Bosh archaning balandligi 35 metr (archa tepasida o‘rnatilgan yulduzni ham qo‘shib hisoblaganda 36 metr), diametri 13 metr, bezatishda ishlatilayotgan o‘yinchoqlarning soni 20 mingdan ortiqni tashkil etmoqda.
Jarayonda ishtirok etayotgan mutaxassislarning ta’kidlashicha, bu yil pandemiya sabab archani o‘rnatish, bezatishda katta o‘zgarishlar ko‘zda tutilmagan.
Xuddi o‘tgan yilgi kabi bu yil ham bosh archaning to‘rt tomonida kichik archalar, attraksionlar, savdo do‘konlari o‘rnatiladi.
Izoh (0)