Ekvador Milliy majlisi 24-noyabr ichki ishlar vaziri Mariya Paula Romoni o‘tgan yil oktabrida politsiyaning hukumatga qarshi minglab namoyishchilarga qarshi kuch ishlatishiga yo‘l qo‘yib bergani uchun qoraladi va iste’foga chiqardi. Bu haqda Anadolu Agency xabar bermoqda.
Foto: Anadolu Agency
Mahalliy OAVlarga ko‘ra, Milliy majlis deputatlarining 104 nafari taklifni qo‘llab-quvvatlagan, 18 nafari qarshi chiqqan va 12 nafari betaraf qolgan.
Qaror haqida gapirar ekan, Romo: “Men huquqiy va konstitutsiyaviy majburiyatlarim doirasida fuqarolar xavfsizligini va tinchlikni saqlash bo‘yicha o‘z vazifamni bajardim”, — dedi.
U 2019-yil 16-oktabrda prezident Lenin Moreno ma’muriyati yoqilg‘i subsidiyalarini bekor qilganidan keyin Kitoda 11 kun davom etgan hukumatga qarshi norozilik namoyishlarida politsiyaga muddati o‘tgan ko‘zni yoshlantiruvchi gazdan foydalanishi ruxsat berganlikda va shu bilan odamlar hayotini xavf ostiga qo‘yganlikda ayblanmoqda.
Ekvador ombudsmani bergan ma’lumotlarga ko‘ra, politsiya haddan tashqari kuch ishlatgani oqibatida kamida 11 kishi halok bo‘lgan, 1340 kishi jabrlangan.
1200 kishi, shu jumladan, 57 nafar chet el fuqarosi qo‘lga olingan.
