OAV: BAA 13 ta davlat fuqarolariga viza berishni to‘xtatdi. Ularning aksariyati islomiy davlatlar

Birlashgan Arab Amirliklari 18-noyabrdan boshlab 13 ta islom davlati fuqarolariga viza berishni to‘xtatdi. Bu haqda Erem News axborot portali xabar berdi, deb yozmoqda “TASS”.

E’lon qilingan davlatlar ro‘yxatidan Jazoir, Afg‘oniston, Iroq, Eron, Yaman, Keniya, Livan, Liviya, Pokiston, Suriya, Somali, Tunis va Turkiya joy olgan. Portalning xabar berishicha, mazkur cheklov ma’lum vaqt davomida, keyingi buyruqqa qadar amal qiladi.

Bu cheklovning joriy etilishi sababi ma’lum qilinmagan, biroq Reuters agentligining xabar berishicha, kirish vizalarini berishning to‘xtatilishi xavfsizlik maqsadlariga bog‘liq.