2014-yilda butun dunyoda terrorchilik bilan bog‘liq o‘limlar soni 59 foizga qisqargan, biroq g‘arb davlatlarida terrorchilik harakatlari tufayli kuzatilgan o‘lim ko‘rsatkichi 1970-yildagi yuqori darajaga chiqdi. Bu haqda Terrorchilik global indeksida ma’lumot berilgan.
“Terrorchilikka nisbatan global ta’sirning kamayganiga qaramay, u hanuzgacha bir qancha mamlakatlarda tahdid bo‘lib qolishda davom etmoqda, – deyilgan xabarda.
Terrorchilik harakatlari sabab kuzatilgan o‘lim ko‘rsatkichining keskin o‘sishi oxirgi 50 yilda Shimoliy Amerika, G‘arbiy Yevropa va Okeaniya mintaqalarida kuzatilgan. Mutaxassislarning taxminiga ko‘ra o‘sish sur’ati juda yuqori – 250 foizni tashkil qilgan.
Terrorchilik harakatlari bilan aloqador o‘limlar soni bo‘yicha reytingda Afg‘oniston 1, Iroq 2-o‘rinni egallagan, uchinchi pog‘onada Nigeriya, keyingi o‘rinlardan Suriya, Somali, Yaman, Pokiston va Hindiston joy olgan.
Ekspertlar AQShni terrorchilik harakatlari oqibatida kuzatilgan o‘limlar soni bo‘yicha 29-o‘ringa joylashtirgan, Buyuk Britaniya 30, Fransiya 38-o‘rinni olgan. Bu borada ijobiy natijalar qayd etgan Avstriya va Shveysariya mos ravishda 91 hamda 113-pog‘onalarga joylashgan. O‘zbekiston ham bu borada xavfsiz mamlakat va reytingda 134-o‘rinda qayd etilgan.
Rossiya 39, Ukraina 36, Tojikiston 45, Turkmaniston 135, Qozog‘iston 93-o‘rinlarni egallagan.
Avval Belarusdagi muxolifat axborot resursi Nexta telegram-kanali asoschisi va bosh muharriri mamlakatda DXQ tomonidan terrorchilikda gumon qilinayotgan shaxslar ro‘yxatiga kiritgani haqida xabar berilgan edi.
Izoh (0)