Italiyaliklar AstraZeneca’dan koronavirusga qarshi vaksinani uch yevrodan kam bo‘lgan narxda sotib olishi mumkin bo‘ladi. “Interfaks”ning yozishicha, bu haqda kompaniyani Italiyadagi bo‘limi rahbari Lorenzo Vittum ma’lum qilgan.
“Vaksinaning yaroqlik muddati olti oy bo‘ladi. Uni uy sharoitida — muzlatgichda, ikki darajada sovuqdan sakkiz darajaga iliq havoda saqlash mumkin. Narxi uch yevrodan kam bo‘ladi”, — deya uning so‘zlaridan iqtibos keltirgan “Messadjero” gazetasi.
Vittumning aytishicha, vaksina zaxiralari Italiyada, Rim yaqinidagi saqlanmoqda. Preparatni qo‘llashga ruhsat olingandan so‘ng, ushbu zaxirani tez tarqatishni yo‘lga qo‘yish mumkin.
Britaniyaning AstraZeneca farmasevtika kompaniyasi tomonidan ishlab chiqarilgan COVID-19 koronavirusga qarshi vaksina Buyuk Britaniya va Braziliyada o‘tkazilgan oraliq sinovlarda o‘rtacha 70 foiz samaradorligini ko‘rsatdi. Dastlabki sinov natijalari 90 foiz samaradorlikni ko‘rsatgan.
AstraZeneca kompaniyasi o‘zi tomonidan yaratilgan vaksinadan foydalanishga ruxsat berilsa, 2021-yilda 3 milliard doza vaksina ishlab chiqarishga tayyor.
Avvalroq AQShning Pfizer kompaniyasi Germaniyaning BioNTech kompaniyasi bilan birgalikda ishlab chiqarilgan COVID-19‘ga qarshi vaksinaning samaradorligi 95 foizni tashkil etishini ma’lum qilgani haqida xabar berilgan edi. Ushbu vaksinaning dozasi AQSh uchun 19,5 dollarni tashkil etadi (ikkala komponentning qabul qilinishi 39 dollarga tushadi), boshqa bir Amerika kompaniyasi Moderna vaksinasining bir dozasi narxi esa 25-37 dollarni tashkil qiladi.
Rossiyaning koronavirusga qarshi “Sputnik V” vaksinasi samaradorligi 95 foizdan oshgani ma’lum qilingan. Uning ikkita dozasi narxi xalqaro bozor uchun, taxminan, 20 dollarni tashkil qiladi, rossiyaliklar uchun vaksina bepul bo‘ladi.
Izoh (0)