Бугун,

  • USD 11095.31
  • RUB 173.84
  • EUR 10772.44

Эквадор Миллий мажлиси 24 ноябрь ички ишлар вазири Мария Паула Ромони ўтган йил октябрида полициянинг ҳукуматга қарши минглаб намойишчиларга қарши куч ишлатишига йўл қўйиб бергани учун қоралади ва истеъфога чиқарди. Бу ҳақда Anadolu Agency хабар бермоқда.

Фото: Anadolu Agency

Фото: Anadolu Agency

Маҳаллий ОАВларга кўра, Миллий мажлис депутатларининг 104 нафари таклифни қўллаб-қувватлаган, 18 нафари қарши чиққан ва 12 нафари бетараф қолган.

Қарор ҳақида гапирар экан, Ромо: «Мен ҳуқуқий ва конституциявий мажбуриятларим доирасида фуқаролар хавфсизлигини ва тинчликни сақлаш бўйича ўз вазифамни бажардим», — деди.

У 2019 йил 16 октябрда президент Ленин Морено маъмурияти ёқилғи субсидияларини бекор қилганидан кейин Китода 11 кун давом этган ҳукуматга қарши норозилик намойишларида полицияга муддати ўтган кўзни ёшлантирувчи газдан фойдаланиши рухсат берганликда ва шу билан одамлар ҳаётини хавф остига қўйганликда айбланмоқда.

Эквадор омбудсмани берган маълумотларга кўра, полиция ҳаддан ташқари куч ишлатгани оқибатида камида 11 киши ҳалок бўлган, 1340 киши жабрланган.

1200 киши, шу жумладан, 57 нафар чет эл фуқароси қўлга олинган.

Изоҳ
Асосий янгиликлар
Китоб
“Шайтон китоб тимсолида ҳаётимга кириб келган ва барча нарсани ўзиники қилиб олган эди…” “Қора китоб” асари ҳақида
Дунё
Юзга тушган чандиқ, қулдорларга қарши кураш ва театрда отиб кетилган президент — Линкольн. Халқ орасида энг машҳур АҚШ президенти тақдири
Кино
“Ёнарқўнғизлар қабри”, “Юрак шивири”, “Мушукнинг қайтиши”  — Япон режиссёрларининг энг яхши анимелари