Qirg‘izistonning Norin viloyati Otboshi tumani hokimi Nurbek Sattorov boshchiligidagi bir guruh mehmonlar ikki kunlik tashrif bilan Farg‘ona viloyatida bo‘ldi, deya xabar bermoqda Farg‘ona viloyati hokimligi matbuot xizmati.
O‘zbekistonning Qirg‘izistondagi elchixonasi tashabbusi bilan tashkil etilgan uchrashuvda Farg‘ona tumani va Otboshi tumani o‘rtasida yaqin birodarlik aloqalarining o‘rnatilishi, investitsiya loyihalari, turizm, eksport va import masalari bo‘yicha muzokaralar olib borilgan.
Farg‘ona viloyati hokimining birinchi o‘rinbosari Mirzohid Ubaydullayevning ta’kidlashicha, Farg‘ona tumani va Otboshi tumani o‘rtasida yaqin birodarlik aloqalari o‘rnatilishi har ikkala tomon uchun manfaatli. Uchrashuvda tog‘ turizmi xususida ham fikrlar almashilgan.
“Otboshi tumanida yetishtiriladigan kartoshka va boshqa qishloq xo‘jaligi mahsulotlari, eng asosiysi, tirik chorva va go‘sht mahsulotlarini to‘g‘ridan-to‘g‘ri Farg‘ona tumaniga yetkazib berilishi mahalliy bozordagi narxlarni tushirish va bir me’yorda ushlab turish, viloyat aholisining kartoshka va go‘shtga bo‘lgan talabini qondirishga xizmat qiladi”, — deb ta’kidlagan viloyat hokimi o‘rinbosari uchrashuvda.
Uchrashuvda tog‘ turizmi xususida ham fikrlar almashilgan. Shuningdek, Otboshi tumani delegatsiyasi vakillari Farg‘ona, Marg‘ilon shaharlari, Farg‘ona, Oltiariq, Rishton tumanlaridagi yangi loyihalar va korxonalar bilan tanishgan.
Izoh (0)