Қирғизистоннинг Норин вилояти Отбоши тумани ҳокими Нурбек Сатторов бошчилигидаги бир гуруҳ меҳмонлар икки кунлик ташриф билан Фарғона вилоятида бўлди, дея хабар бермоқда Фарғона вилояти ҳокимлиги матбуот хизмати.
Ўзбекистоннинг Қирғизистондаги элчихонаси ташаббуси билан ташкил этилган учрашувда Фарғона тумани ва Отбоши тумани ўртасида яқин биродарлик алоқаларининг ўрнатилиши, инвестиция лойиҳалари, туризм, экспорт ва импорт масалари бўйича музокаралар олиб борилган.
Фарғона вилояти ҳокимининг биринчи ўринбосари Мирзоҳид Убайдуллаевнинг таъкидлашича, Фарғона тумани ва Отбоши тумани ўртасида яқин биродарлик алоқалари ўрнатилиши ҳар иккала томон учун манфаатли. Учрашувда тоғ туризми хусусида ҳам фикрлар алмашилган.
«Отбоши туманида етиштириладиган картошка ва бошқа қишлоқ хўжалиги маҳсулотлари, энг асосийси, тирик чорва ва гўшт маҳсулотларини тўғридан-тўғри Фарғона туманига етказиб берилиши маҳаллий бозордаги нархларни тушириш ва бир меъёрда ушлаб туриш, вилоят аҳолисининг картошка ва гўштга бўлган талабини қондиришга хизмат қилади», — деб таъкидлаган вилоят ҳокими ўринбосари учрашувда.
Учрашувда тоғ туризми хусусида ҳам фикрлар алмашилган. Шунингдек, Отбоши тумани делегацияси вакиллари Фарғона, Марғилон шаҳарлари, Фарғона, Олтиариқ, Риштон туманларидаги янги лойиҳалар ва корхоналар билан танишган.
Изоҳ (0)