“Manchester Siti” bosh murabbiyi Xosep Gvardiola jamoa bilan yangi shartnoma imzoladi. Bu haqda klub matbuot xizmati ma’lum qildi.
49 yoshli mutaxassis “shaharliklar” bilan 2023-yilga qadar mo‘ljallangan kelishuv imzoladi.
Gvardiola besh mavsumdan buyon “Manchester Siti”ni boshqarmoqda. Uning qo‘l ostida jamoa ikki marta Angliya chempioniga aylandi, bir marta mamlakat Kubogiga ega chiqdi va uch bor Liga Kubogini qo‘lga kiritdi.
Ispaniyalik mutaxassis 2016-yilda jamoani qabul qilib olgandi. Agar Pep shartnoma oxirigacha “Siti”da qoladigan bo‘lsa, yetti mavsumni Manchesterda o‘tkazgan bo‘ladi. Bunga qadar murabbiy “Bavariya”da uch mavsum, “Barselona” esa to‘rtta mavsum o‘tkazgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)