“Barselona” prezidentligiga da’vogar Viktor Font katalonlar boshqaruviga tayinlanadigan bo‘lsa, “Real” himoyachisi Serxio Ramosni qo‘lga kiritishga tayyor ekanini aytdi.
“Agar Xavi mendan so‘rasa va bu moliyaviy tomondan to‘g‘ri kelsa, Ramosni jamoaga olib kelgan bo‘lardim”, — deydi Font.
Shu bilan birga Font markaziy himoya chizig‘iga “Manchester Siti” himoyachisi Erik Garsiya yoki “Yuventus” vakili Matteys de Ligtni olib kelishni ma’qul ko‘rishi haqida gapirdi.
Avvalroq Font “Barselona” prezidentligiga saylanadigan bo‘lsa, Xavini bosh murabbiylik lavozimiga taklif etishini bir necha bor aytgandi.
Eslatib o‘tamiz, ispaniyalik futbolchining “qaymoqranglilar” bilan amaldagi shartnomasi 2021-yilning yozida o‘z nihoyasiga yetadi. Tomonlar hali bitimni uzaytirish borasida bir to‘xtamga kelmagan. Avvalroq unga PSJ va “Manchester Siti”dan qiziqish borligi xabar qilingandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)