«Манчестер Сити» бош мураббийи Хосеп Гвардиола жамоа билан янги шартнома имзолади. Бу ҳақда клуб матбуот хизмати маълум қилди.
49 ёшли мутахассис «шаҳарликлар» билан 2023 йилга қадар мўлжалланган келишув имзолади.
Гвардиола беш мавсумдан буён «Манчестер Сити»ни бошқармоқда. Унинг қўл остида жамоа икки марта Англия чемпионига айланди, бир марта мамлакат Кубогига эга чиқди ва уч бор Лига Кубогини қўлга киритди.
Испаниялик мутахассис 2016 йилда жамоани қабул қилиб олганди. Агар Пеп шартнома охиригача «Сити»да қоладиган бўлса, етти мавсумни Манчестерда ўтказган бўлади. Бунга қадар мураббий «Бавария»да уч мавсум, «Барселона» эса тўртта мавсум ўтказганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)