Bugun,

  • USD 10920.28
  • RUB 177.49
  • EUR 11052.42

Tesla va SpaceX rahbari Ilon Mask Bloomberg’ning milliarderlar global reytingida uchinchi o‘ringa chiqib olib, Mark Sukerbergdan o‘zib ketdi, deb yozadi Meduza.

Foto: Global Look Press

19-noyabr holatiga ko‘ra, Maskning boyligi 120 milliard dollarga, Sukerbergniki — 103 milliard dollarga baholanmoqda.

Bloomberg ma’lumotlariga ko‘ra, biznesmenning davlati bir kunda 10,2 milliard dollarga o‘sgan, bunga Tesla aksiyalarining 10 foizga ko‘tarilishi sabab bo‘lgan.

Bloomberg reytingida birinchi o‘rinni hamon Amazon asoschisi Jeff Bezos 183 milliard dollar bilan egallab turibdi, ikkinchi o‘rin esa Microsoft asoschisi Bill Geytsga tegishli (128 milliard dollar).

Forbes global reytingida ham 19-noyabr holatiga ko‘ra, Mask (to‘rtinchi o‘rin, 105 milliard dollar) Sukerbergni (beshinchi o‘rin, 99,9 milliard dollar) ortda qoldirdi.

Eslatib o‘tamiz, dunyoning eng boy kishilarining o‘n nafari 28-oktabr kuni bo‘lib o‘tgan savdolar yakunlari bo‘yicha jahon fond bozorlari qulashi fonida 33,3 milliard dollar yo‘qotgan edi. Buning oqibatida Facebook asoschisi Mark Sukerberg boyligi 100 milliard dollardan oshadigan kishilar ro‘yxatidan chiqqan, Tesla asoschisi Ilon Mask 3,5 milliard dollar yo‘qotgan edi.

Izoh
Asosiy yangiliklar
Mahalliy
O‘zbekistonda ilk bor dunyo parlamentlari ayol rahbarlarining sammiti o‘tkaziladi
Mahalliy
O‘zbekistonda 6 oyda qancha aviaparvoz amalga oshirilgani ma’lum qilindi
Dunyo
Rossiya elchixonasi AQSHni Ukrainadagi mojaroga aralashgani uchun harbiy to‘qnashuv xavfidan ogohlantirdi