Dunyoning eng boy kishilarining o‘n nafari 28-oktabr kuni bo‘lib o‘tgan savdolar yakunlari bo‘yicha jahon fond bozorlari qulashi fonida 33,3 milliard dollar yo‘qotdi. “RBK”ning yozishicha, bu haqda Forbes Real Time reytingi ma’lumotlarida keltirilgan.

Foto: TSN.ua

Buning oqibatida Facebook asoschisi Mark Sukerberg boyligi 100 milliard dollardan oshadigan kishilar ro‘yxatidan chiqdi, Berkshire Hathaway rahbari Uorren Baffet esa milliarderlar reytingida o‘z o‘rnini hindistonlik tadbirkor Mukeshu Ambaniga bo‘shatib, yettinchi o‘ringa tushdi.

Amazon asoschisi Jeff Bezosning boyligi hammadan ko‘proq— 6,7 milliard dollarga kamaydi. Shunga qaramay, u Bloomberg versiyasiga ko‘ra, 186,3 milliard dollar boylikka egalik qilib, dunyoning eng boy odamiligicha qolmoqda.

Eng boy odamlar reytingida ikkinchi o‘rinda bo‘lgan Louis Vuitton rahbari Bernar Arno va uning oilasi bir kunda 4,7 milliard (umumiy boyligi — 115,1 milliard dollar) dollar yo‘qotdi. 26-oktabr kuni u bir haftada 8 milliard dollarga boyigani xabar berilgandi.

Microsoft asoschisi Bill Geyts boyligi 2 milliard dollarga kamaydi. Sukerberg 5,7 milliard, Tesla asoschisi Ilon Mask va Google asoschilaridan biri Larri Peyj 3,5 milliard dollar yo‘qotdi.

Bloomberg ma’lumotlari Forbes’nikidan farq qiladi. Agentlik baholariga ko‘ra, dunyoning 10 nafar boylari boyligi 37,3 milliard dollarga kamaydi. Millionerlarning Bloomberg Billionaire Index reytingi Top-10 taligining dastlabki kuchli uchtaligidan Bezos (187 milliard dollar), Geyts (120 milliard dollar) va Mask (102 milliard dollar) o‘rin olgan.

Amerika fond birjalarida 28-oktabr kuni bo‘lib o‘tgan savdo sessiyasi indekslarning keskin pasayishi bilan qayd etildi. Dow Jones Industrial Average 3,4 foizga, AQShning S&P 500 indeksi 3,5 foizga, texnologik NASDAQ Composite esa 3,7 foizga pasaygan.

So‘nggi bir necha kun davomida AQSh bozoridagi savdolar davom etmoqda va bu hafta dinamika bo‘yicha mart oyidagi ko‘rsatkichdan eng yomoni bo‘lishi mumkin.