“Barselona” klubi va Argentina terma jamoasi sobiq himoyachisi Xavyer Maskerano futbolchilik faoliyatini yakunlaganini ma’lum qildi.
Professional futboldan ketayotganimni e’lon qilishni xohlardim. Faoliyatimni Argentinada tugatishga imkoniyat bergan “Estudiantes”ga minnatdorchilik bildiraman. Men o‘z faoliyatimni yuz foiz ko‘tarinki ruhda o‘tkazdim.Maskerano 2010—2018-yillar mobaynida “Barselona” safida harakat qildi. U katalonlar bilan besh marta Ispaniya chempionatida g‘olib chiqdi va yana besh bor mamlakat kubogini qo‘lga kiritdi, shuningdek, ikki bor Chempionlar Ligasida zafar quchdi.Xavyer Maskerano
U faoliyati davomida “River Pleyt”, “Korintians”, “Vest Hem”, “Liverpul” va “Xebey Chayna Forchun” kabi klublarda to‘p surdi.
Maskerano Argentina terma jamoasi safida 147 ta o‘yin o‘tkazdi va JCh—2014 finalchisi hisoblanadi. Yana u olimpiya terma jamoasi safida Olimpiada oltin medallariga sazovor bo‘lgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)