Professional futbol Ligasi (PFL) bosh direktori vazifasini bajaruvchi Diyor Imomxo‘jayev “Sport-TV” telekanalida bo‘lib o‘tgan onlayn muloqot vaqtida ham klub, ham terma jamoa boshqaruvida ishlayotgan murabbiylar haqida fikr bildirdi.
“Yaxshi savol. O‘FA bu masalani ijroqo‘mga kiritdi. Ya’ni, biz talab qilamiz — mutaxassis milliy terma jamoada ishlayaptimi, o‘sha joyda ishlasin, klubda ishlamasin.
Biz bu narsaga jiddiy qarshimiz va bu masala ko‘rib chiqiladi. Niyat qilamanki, keyingi yildan bu holat kuzatilmaydi”, — deydi Imomxo‘jayev.
Eslatib o‘tamiz, O‘zbekiston terma jamoasi bosh murabbiyi Vadim Abramov bir vaqtning o‘zida “Bunyodkor” ustozi hisoblanadi.
Mavzuga doir: Ikki ot jilovini tutganlar. Parallel 2 ta lavozimda ishlash O‘zbekiston terma jamoasi murabbiylari uchun foydali bo‘lganmi?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)