«Барселона» клуби ва Аргентина терма жамоаси собиқ ҳимоячиси Хавьер Маскерано футболчилик фаолиятини якунлаганини маълум қилди.
Профессионал футболдан кетаётганимни эълон қилишни хоҳлардим. Фаолиятимни Аргентинада тугатишга имконият берган «Эстудиантес»га миннатдорчилик билдираман. Мен ўз фаолиятимни юз фоиз кўтаринки руҳда ўтказдим.Маскерано 2010—2018 йиллар мобайнида «Барселона» сафида ҳаракат қилди. У каталонлар билан беш марта Испания чемпионатида ғолиб чиқди ва яна беш бор мамлакат кубогини қўлга киритди, шунингдек, икки бор Чемпионлар Лигасида зафар қучди.Хавьер Маскерано
У фаолияти давомида «Ривер Плейт», «Коринтианс», «Вест Ҳэм», «Ливерпуль» ва «Хэбэй Чайна Форчун» каби клубларда тўп сурди.
Маскерано Аргентина терма жамоаси сафида 147 та ўйин ўтказди ва ЖЧ—2014 финалчиси ҳисобланади. Яна у олимпия терма жамоаси сафида Олимпиада олтин медалларига сазовор бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)