“Barselona” sobiq direktori Xavyer Bordas katalonlar 2017-yilda Kilian Mbappeni sotib olishga yaqin kelgani haqida aytdi.
Ha, biz ham Mbappeni qo‘lga kiritishga uringanmiz. Usmon Dembele transferi bilan shug‘ullanayotgan vaqtimiz agent Xosep Mariya Mingella qo‘ng‘iroq qilgan va Mbappe muzokaralar uchun ochiqligini ma’lum qilgan. Men Bartomeu bilan gaplashganman va u o‘yinchini kuzatishni buyurgan.“Barselona” 2017-yilning yozida Dembeleni “Borussiya D”dan 105 million yevro (qo‘shimcha 42 million bonus) evaziga sotib olgandi. Biroq fransiyalik iqtidor egasi katalonlarning bir qator uchrashuvlarini jarohat tufayli o‘tkazib yubordi.Mbappening otasiga qo‘ng‘iroq qilganman, u menga Kilian “Real”ga o‘tish niyatida emasligini, chunki u yerda Krishtianu, Benzema va Beyl kabi futbolchilar borligini aytgan. U Mbappe “Barselona”ga o‘tishi mumkinligi va Neymarning o‘rnini egallashi haqida gapirgan.
“Monako” prezidenti ham raqobatchisi PSJni kuchaytirmaslik uchun Kilianning “Barselona”ga ketishini istagan. Uni 100 million yevroga sotib olish mumkin edi. Biroq rahbariyat Dembeleni tanlagan. Ular bu qarorni Mbappe o‘zi uchun o‘ynashi, Dembele esa jamoaviy o‘yinda yaxshiligi bilan tushuntirgan. Neymar ketganidan keyin klub hujumchi emas vinger sotib olishni maqsad qilgandi.
Xavyer Bordas, “Barselona” sobiq direktori
Mbappe esa o‘sha yili “Monako”dan PSJga yo‘l olgandi. Parijliklar uni bir yildan keyin 180 million yevroga sotib olish majburiyati bilan ijaraga olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)