Ispaniya terma jamoasi himoyachisi Serxio Ramos Millatlar Ligasi doirasida Shveysariyaga qarshi kechgan o‘yinda (1:1) maydonga tushdi.
Bu Ramos uchun terma jamoa libosidagi 177-o‘yin bo‘ldi.
Shu tariqa u Yevropa futbolchilari orasida terma jamoa safida eng ko‘p o‘yin o‘tkazgan Janluji Buffoning rekordini (176) yangiladi.
Bundan tashqari jahon rekordigacha Ramosda 7 ta o‘yin qoldi. Bu rekord Misr terma jamoasi sobiq futbolchisi Ahmad Hassanga tegishli — 184.
Ramos bu o‘yinda ikkita penaltidan foydalana olmadi. Bunga qadar himoyachi ketma-ket 25 ta penaltini golga aylantirgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)