Boks bo‘yicha o‘rta vazn toifasida Jahon chempioni Saul “Kanelo” Alvares (53-1-2, 36 KO) 2020-yilning dekabr oyida ringga qaytadi.
ESPN’ning xabar qilishicha, Alvaresning keyingi raqibi super o‘rta vazn toifasida WBA chempioni Kallum Smit (27-0, 19 KO) bo‘ladi.
Jangga Dallas shahri (AQSh) mezbonlik qiladi. Kecha sanasi keyinroq ma’lum qilinadi, jang 18, 19 yoki 20-dekabrda bo‘lib o‘tadi.
Meksikalik bokschi so‘nggi jangini 2019-yilning noyabrida o‘tkazgan va unda Sergey Kovalyovni nokautga uchratgandi.
Alvares 2016-yilning sentabrida Dallasda Kallumning ukasi Liam Smitga qarshi jang qilgandi.
Izoh (0)