Бокс бўйича ўрта вазн тоифасида Жаҳон чемпиони Сауль «Канело» Альварес (53-1-2, 36 КО) 2020 йилнинг декабрь ойида рингга қайтади.
ESPN’нинг хабар қилишича, Альвареснинг кейинги рақиби супер ўрта вазн тоифасида WBA чемпиони Каллум Смит (27-0, 19 КО) бўлади.
Жангга Даллас шаҳри (АҚШ) мезбонлик қилади. Кеча санаси кейинроқ маълум қилинади, жанг 18, 19 ёки 20 декабрда бўлиб ўтади.
Мексикалик боксчи сўнгги жангини 2019 йилнинг ноябрида ўтказган ва унда Сергей Ковалёвни нокаутга учратганди.
Альварес 2016 йилнинг сентябрида Далласда Каллумнинг укаси Лиам Смитга қарши жанг қилганди.
Изоҳ (0)