Qoraqalpog‘istonning Mo‘ynoq, Taxtako‘pir va Qorao‘zak tumanlarida doimiy yashaydigan va 2020/2021-o‘quv yili test sinovlaridan o‘tolmagan abituriyentlar o‘qishga qo‘shimcha qabul qilinadi, deya xabar berdi O‘zA.
Eng kamida 56,7 ball to‘plagan abituriyentgina Qoraqalpog‘istondagi OTMlarga qo‘shimcha kvota asosida o‘qishga qabul qilinadi.
Eslatib o‘tamiz, Shavkat Mirziyoyev 2-oktabr kuni Qoraqalpog‘istonga safari davomida ushbu tumanlardagi yoshlarni OTMlarga qamrab olish yuzasidan topshiriq bergandi.
Qayd etilishicha, qo‘shimcha kvotalar tibbiyot yo‘nalishiga ajratilmagan. Boshqa yo‘nalishga hujjat topshirgan abituriyentlar o‘qishga to‘lov-shartnoma asosida qabul qilinadi.
Abituriyentlar o‘qishni tugatgandan keyin Mo‘ynoq, Taxtako‘pir va Qorao‘zak tumanlarida kamida 5 yil ishlab berishi kerak.
13-noyabrdan boshlab o‘qishga xohish bildirgan abituriyentlar va ularning ota-onalari bilan uchrashuvlar tashkil qilinadi. Uchrashuvlar 3 ta tumanda 4 ta sektor rahbarlari hamda oliy o‘quv yurtlari vakillari tomonidan tashkil etiladi.
Izoh (0)