Germaniyada Nikolas Keyj va Anjelina Joli ishtirokidagi 2000-yilda suratga olingan “60 soniyada olib qochish” filmida suratga tushgan “Eleonor” nomli Ford Mustang sotuvga qo‘yildi. 7 raqami ostidagi “Eleonor” o‘ziga yangi xo‘jayin qidirmoqda, biroq uning narxi oshkor etilmagan, deb xabar beradi Motor.
Filmni suratga olish uchun 11 ta bir xil Ford Mustang yaratilgan bo‘lib, ularning dizayni ustida amerikalik dizayner va xot-rod konstruktori Chip Fuz ishlagan. Masl-karlar Shelby GT500 uslubidagi aerodinamik “obves”ga, zamonaviy yengil qotishmali diskalar va sakkiz silindrga ega 5,8 litrli Ford Racing motoriga ega bo‘lgan. U 650 ot kuchini taqdim etishga qodir.
Nikolas Keyj “60 soniyada olib qochish” filmida barcha avtomobil tryuklarini mustaqil o‘zi bajargan.
“Eleonor” mustang kolleksion qiymatga ega. Masalan, 2019-yilning dekabrida boshqa bir “Eleonor” (xuddi shu suratga olish maydonchasidan “omon chiqqan”) Mecum auksioni orqali 852,5 ming dollarga sotilgan edi.
Avvalroq “Forsaj” filmidagi 50 yoshli Chevrolet auksionga qo‘yilgani to‘g‘risida xabar berilgandi.
Izoh (0)