AQShda eBay portali orqali 2003-yilda ishlab chiqarilgan ulkan Hummer H2 55 100 dollar evaziga sotuvga qo‘yildi. Yo‘ltanlamas modifikatsiyaga uchragan “podveska”sidan tashqari, pulemyot maketi bilan ham jihozlangan, deb yozadi Motor.
Sotuvga qo‘yilgan Hummer H2 modeli 2003-yilda Amerikadagi mashinasozlik kompaniyasining buyurtmasi bilan yasalgan. Gollivudning jangari filmlaridagi kabi noodatiy tashqi ko‘rinishga ega yo‘ltanlamas 2004-yilda mashhur Truckin Magazine avtomobil jurnali muqovasidan joy olgan.
Birinchi navbatda Hummer’ni kumushrang va ko‘k suratlarga ega yorqin sariq rang ajratib turadi. Bundan tashqari, yo‘ltanlamas katta g‘ildiraklar, qo‘shimga yoritish tizimi va kapoti ustida pulemyot maketi bilan jihozlangan. Biroq modifikatsiyaga uchragan “maxluq”ning o‘ziga xosligi ko‘tarilgan sariq jamlanmasi bo‘lib, uning yordamida avtomobilning ost qismi bilan yer yuzasidagi masofa 45 santimetrga oshgan. Yo‘ltanlamas interyeri qora-sariq ranglarda ishlangan.
Hummer H2 kapoti ostidan 312 ot kuchiga ega olti litrli V8 dvigateli o‘rin olgan. Agregat olti pog‘onali avtomat uzatmalar qutisi bilan birga ishlaydi.
Ayni vaqtda 8 ming kilometr yo‘l bosgan avtomobil 55 100 dollarga baholanmoqda.
Izoh (0)