Navoiy—Zarafshon yo‘lida bir nechta yuk va yengil mashinalar ishtirokida yirik yo‘l-transport hodisasi yuz bergani ma’lum bo‘lgandi. IIV YHXBB axborot xizmati avariya oqibatida jabrlanganlar va zarar ko‘rgan mashinalar to‘g‘risida to‘liq ma’lumot berdi.
Ma’lum qilinishicha, YTH 8-noyabr kuni soat 18:30 larda Navoiy viloyati, Konimex tumani hududidan o‘tuvchi A-379 avtomobil yo‘lining 110-kilometrida sodir bo‘lgan. 26 yoshli M.G‘. boshqaruvidagi Howo Sinotruk rusumli yuk avtomashinasi yomg‘irli havoda, sirpanchiq yo‘lda harakat xavfsizligini ta’minlay olmasdan, yo‘ldan o‘ng tomonga chiqib ketib ag‘darilgan.
Hodisani ko‘rgan boshqa haydovchilar yo‘l chetiga transport vositasida to‘xtagan. Ushbu yo‘nalishda harakatlanib kelgan haydovchi, 37 yoshli A.S. boshqaruvidagi Lacetti rusumli avtomobilda sekinlagan vaqtida ortidan kelayotgan MAN rusumli yuk avtomashinasi ortilgan yuki bilan keskin tormoz olib, Lacetti’ni urib o‘tgan va sirpanishda davom etib tirkamasi bilan yo‘l chetida to‘xtab turgan mashinalarga shikast yetkazgan. Xususan:
- 1986-yilda tug‘ilgan Sh.T. boshqaruvidagi “UAZ”;
- 1966-yilda tug‘ilgan Q.A. boshqaruvidagi MAN;
- 1991-yilda tug‘ilgan M.N. boshqaruvidagi Nexia;
- 1978-yilda tug‘ilgan B.N. boshqaruvidagi Cobalt;
- 1971-yilda tug‘ilgan U.J. boshqaruvidagi Matiz;
- 1971-yilda tug‘ilgan S.S. boshqaruvidagi Mercedes-Benz;
- 1995-yilda tug‘ilgan F.S. boshqaruvidagi Nexia;
- 1964-yilda tug‘ilgan I.N. boshqaruvidagi Nexia rusumli transport vositalarini birin-ketin urib o‘tgan.
- 1978-yilda tug‘ilgan fuqaro D.N. — bosh tepa sohasining shilingan jarohati;
- 2010-yilda tug‘ilgan fuqaro — bosh miya chayqalishi aniqlanmagan;
- 2014-yilda tug‘ilgan fuqaro D.I. — bosh miya chayqalishi aniqlanmagan;
- 1973-yilda tug‘ilgan fuqaro O.S. — ensa soha yirtilgan jarohati;
- 2008-yilda tug‘ilgan fuqaro D.S. — bosh miya chayqalishi aniqlanmagan;
- 2012-yilda tug‘ilgan fuqaro D.S. — bosh miya chayqalishi aniqlanmagan;
- 1960-yilda tug‘ilgan fuqaro I.S. — ensa soha lat yeyishi va yirtilish jarohati;
- 2001-yilda tug‘ilgan fuqaro Ch.B. — bosh miya chayqalishi aniqlanmagan;
- 1995-yilda tug‘ilgan fuqaro K.S. — to‘sh sohasi yumshoq to‘qimalari lat yeyishi;
- 1962-yilda tug‘ilgan fuqaro X.A. — bosh chap yon sohasining shilingan jarohati, bosh miya chayqalishi aniqlanmagan;
- 1995-yilda tug‘ilgan fuqaro F.S. — bosh miya chayqalishi aniqlanmagan.
Konimex tumani Tibbiyot birlashmasi tomonidan taqdim etilgan ma’lumotga ko‘ra, 8-noyabr kuni yo‘l-transport hodisasi bilan bog‘liq tan jarohati olgan fuqarolardan murojaat kelib tushmagan. Mazkur to‘qnashuv yuzasidan Konimex tumani IIB YHXB tomonidan surishtiruv ishlari olib borilmoqda.
Avvalroq Jizzaxda 2 ta Howo haydovchisi qarama-qarshi yo‘nalishda o‘zaro hazillashishi oqibatida mashinalar bir-biri bilan to‘qnashib ketgani to‘g‘risida xabar berilgandi.
Izoh (0)