Навоий—Зарафшон йўлида бир нечта юк ва енгил машиналар иштирокида йирик йўл-транспорт ҳодисаси юз бергани маълум бўлганди. ИИВ ЙҲХББ ахборот хизмати авария оқибатида жабрланганлар ва зарар кўрган машиналар тўғрисида тўлиқ маълумот берди.
Маълум қилинишича, ЙТҲ 8 ноябрь куни соат 18:30 ларда Навоий вилояти, Конимех тумани ҳудудидан ўтувчи А-379 автомобиль йўлининг 110-километрида содир бўлган. 26 ёшли М.Ғ. бошқарувидаги Howo Sinotruk русумли юк автомашинаси ёмғирли ҳавода, сирпанчиқ йўлда ҳаракат хавфсизлигини таъминлай олмасдан, йўлдан ўнг томонга чиқиб кетиб ағдарилган.
Ҳодисани кўрган бошқа ҳайдовчилар йўл четига транспорт воситасида тўхтаган. Ушбу йўналишда ҳаракатланиб келган ҳайдовчи, 37 ёшли А.С. бошқарувидаги Lacetti русумли автомобилда секинлаган вақтида ортидан келаётган MAN русумли юк автомашинаси ортилган юки билан кескин тормоз олиб, Lacetti’ни уриб ўтган ва сирпанишда давом этиб тиркамаси билан йўл четида тўхтаб турган машиналарга шикаст етказган. Хусусан:
- 1986 йилда туғилган Ш.Т. бошқарувидаги «УАЗ»;
- 1966 йилда туғилган Қ.А. бошқарувидаги MAN;
- 1991 йилда туғилган М.Н. бошқарувидаги Nexia;
- 1978 йилда туғилган Б.Н. бошқарувидаги Cobalt;
- 1971 йилда туғилган У.Ж. бошқарувидаги Matiz;
- 1971 йилда туғилган С.С. бошқарувидаги Mercedes-Benz;
- 1995 йилда туғилган Ф.С. бошқарувидаги Nexia;
- 1964 йилда туғилган И.Н. бошқарувидаги Nexia русумли транспорт воситаларини бирин-кетин уриб ўтган.
- 1978 йилда туғилган фуқаро Д.Н. — бош тепа соҳасининг шилинган жароҳати;
- 2010 йилда туғилган фуқаро — бош мия чайқалиши аниқланмаган;
- 2014 йилда туғилган фуқаро Д.И. — бош мия чайқалиши аниқланмаган;
- 1973 йилда туғилган фуқаро О.С. — энса соҳа йиртилган жароҳати;
- 2008 йилда туғилган фуқаро Д.С. — бош мия чайқалиши аниқланмаган;
- 2012 йилда туғилган фуқаро Д.С. — бош мия чайқалиши аниқланмаган;
- 1960 йилда туғилган фуқаро I.С. — энса соҳа лат ейиши ва йиртилиш жароҳати;
- 2001 йилда туғилган фуқаро Ч.Б. — бош мия чайқалиши аниқланмаган;
- 1995 йилда туғилган фуқаро К.С. — тўш соҳаси юмшоқ тўқималари лат ейиши;
- 1962 йилда туғилган фуқаро Х.А. — бош чап ён соҳасининг шилинган жароҳати, бош мия чайқалиши аниқланмаган.
- 1995 йилда туғилган фуқаро Ф.С. — бош мия чайқалиши аниқланмаган.
Конимех тумани Тиббиёт бирлашмаси томонидан тақдим этилган маълумотга кўра, 8 ноябрь куни йўл-транспорт ҳодисаси билан боғлиқ тан жароҳати олган фуқаролардан мурожаат келиб тушмаган. Мазкур тўқнашув юзасидан Конимех тумани ИИБ ЙҲХБ томонидан суриштирув ишлари олиб борилмоқда.
Аввалроқ Жиззахда 2 та Howo ҳайдовчиси қарама-қарши йўналишда ўзаро ҳазиллашиши оқибатида машиналар бир-бири билан тўқнашиб кетгани тўғрисида хабар берилганди.
Изоҳ (0)