Samarqanddagi Afrosiyob Palace mehmonxonasi yangi shartlar bilan onlayn auksionda yana sotuvga qo‘yildi, deb xabar bermoqda Spot.
Endi 12 million dollar miqdorida investitsiya kiritish majburiyati yo‘q, ammo boshlang‘ich narxi 5,4 milliard so‘mdan 27,4 milliard so‘mga oshirildi.
Boshqa barcha shartlar o‘z kuchida qoldi:
- Afrosiyob Palace’ni 2022-yilning 1-yanvarigacha kamida bitta prezidentlik xonasiga ega to‘rt yulduzli mehmonxonaga aylantirish;
- Rekonstruksiya ishlari, shuningdek, uning atrofidagi hududlarni obodonlashtirishni Madaniyat vazirligi va YuNESKO bilan muvofiqlashtirish;
- Barcha kreditorlik qarzlarini to‘lash.
2018-yilning kuzida Samarqand viloyati hokimligi va investitsiyalar davlat qo‘mitasi Singapurning Exim Investments Ple kompaniyasi ayni paytda faoliyat yuritmayotgan mehmonxonani rekonstruksiya qilish bo‘yicha kelishuvga erishgan. Loyiha biznes-rejasi ham tayyor bo‘lgan.
Investor barcha kredit qarzdorligini qoplashi, shuningdek, bu yerda zamonaviy mehmonxona kompleksini barpo etishi uchun ikki yil mobaynida 12 million dollar miqdorida investitsiya kiritish majburiyatini olishi lozim bo‘lgan.
Agentlik matbuot xizmatining ma’lum qilishicha, investor shartnomada belgilangan majburiyatlarni o‘z vaqtida bajarmagan, shu sababli oldi-sotdi shartnomasi bekor qilingan.
Izoh (0)