7-noyabr kuni Bosh prokuraturada tashkil etilgan korrupsiya masalalariga oid idoralararo yig‘ilishda bosh prokuror Nig‘matilla Yo‘ldoshev O‘zbekistonda soliq bazasini kengaytirish, soliqlarni hisoblash va undirish, imtiyozlarni qo‘llashda ko‘plab qonun buzilish holatlari va suiiste’molchiliklar mavjudligini aytdi.
O‘tgan davrda 1 781 ta holatda 24 milliard so‘mlik qo‘shimcha mablag‘lar soliq bazasiga qamrab olinmaganligi qayd etildi. Jumladan, Buxoro viloyatida 1,7 milliard, Farg‘onada 2,6 milliard, Toshkentda 3,9 milliard, Samarqandda 4,2 milliard, Jizzaxda 11,9 milliard so‘mlik soliq hisoblanishi va undirilishi mumkin bo‘lgan aniq obyektlar ro‘yxatga olinmagan.
O‘ylaymanki, buning sababi barchaga birdek a’yon bo‘lsa kerak. Uddaburon soliqchilar soliq obyektini ro‘yxatdan o‘tkazib, soliq bazasini kengaytirishdan umuman manfaatdor emas ko‘rinadi. Joylardagi mutasaddilar esa buni na tahlil qiladi, na sababini chuqur o‘rganadi, prokuror va departament xodimlari uxlab o‘tiribdi. Bunday mas’uliyatsizlik oqibati insofli tadbirkorlar gardaniga tushmoqda.Avvalroq O‘zbekistonda 2020-yilda budjet prognozini bajarish uchun tadbirkorlardan 823 mlrd so‘m ortiqcha soliq undirilgani, Farg‘onada moliya bo‘limini aldab, tadbirkorlarning 1,2 mlrd so‘mini “yeb yuborgan” soliqchilar ushlangani, Dang‘ara tumanining sobiq bosh soliqchisi “obnal” bilan shug‘ullanadigan 22 ta firma ochgani haqida xabar berilgan edi.Nig‘matilla Yo‘ldoshev, bosh prokuror
Mavzuga doir:
- O‘zbekistonda 1 trln so‘m mablag‘ni naqdlashtirgan, 30 mln dollarni chet elga chiqarib yuborgan jinoiy guruh ishi sudga oshirildi
- Toshkent viloyatida fuqarolarni 2,2 mlrd so‘mga chuv tushirgan jinoiy guruh qo‘lga olindi
- Kattaqo‘rg‘onda yo‘llarni ta’mirdan chiqarilgani to‘g‘risida qalbaki hujjatlar tayyorlab, 2,4 mlrd so‘mni talon-toroj qilish holati aniqlandi
- Nig‘matilla Yo‘ldoshev Arnasoy, Yunusobod, Buvayda hokimlari o‘rinbosarlari yer ajratib berish evaziga pora olganini ma’lum qildi
Izoh (0)